يالله حي الجميع
الصراحه اليوم شهيتي مفتوحه للكتابه فقلت بكتب الي يجول بخاطري
من زمان وانا اسمع كلمة كول تتردد على مسامعي والصراحه ماني عارف معناها
مثل شاب كول وخليك كول وغيره
طيب سؤالي الحين : هل هذا الشخص الي بالصوره راح يزعل لو قلت له انت مانت رجال؟
اعتقد لا
بما اني اعيش حياة بدويه بدائيه ومجتمع محافظ والحمد لله فمن الطبيعي اني اقول ان هذا مو رجال والصراحه ودي اخذه معي للبر اخليه يرجع رجال او مهبول
والحين ابشركم اني عرفت معناها عقب وقت طويل جدا جدا جدا
الشعب العربي الحبّيِبَه ؟
الصراحه انا مستغرب من شي انتشر اخيرا بين العرب الا وهو داء الحب!!
وين ماروح احصل عبارات حب وخرابيط بالمنتديات والبلوتوث وحتى بالشات او عبارات مؤلمه مثل خانتني و و و الخ
المصيبه نصف اصحاب العبارات هذي نصابين لذالك اكتشفت تعريف لبعض هؤلاء الحبيبه وهو
الحب: هو وسيله يستخدمها البعض لارتكاب المحظور
قبل فتره شفت احد الاطفال عمره 15 سنه كاتب نك بالبلوتوث الا وهو
< مر العمر وانا انتظر >
اعقص يالورع بالله وش عرفك ياملا المسرع لذا السوالف ؟ وشو عمرك الي مر ياملا الماغص
والجواب هو
لاتزعل ياسلطان لاني من انولدت وانا مقابل < الدش> اغاني حب وافلام حب ومسلسلات حب وش توقع اني انشأ عليه!!!
مابي اطول عليكم واتمنى اسمع أراءكم
موضوع: تعريف الكوووووووووووووول 
الثلاثاء يوليو 29, 2008 2:08 pm
